Ինչով է վտանգավոր գրպանում հեռախոս պահելը. fact.am

Բջջային հեռախոսները և սմարթֆոնները մեր կյանքի անբաժանելի մասն են կազմում: Այդ պատճառով գրեթե բոլորը դրանք պահում են իրենց մոտ շատ հաճախ գրպաններում: Բազմաթիվ ուսումնասիրությունները ապացուցել են, որ բջջային հեռախոսները վնաս են հասցնում առողջությանը: Բանաձևը պարզ է` այն օրգանը, որին մոտ է գտնվում բջջայինը, այդ օրգանն էլ տուժում է, տեղեկացնում է Aroxj.am-ը:

Ամենատարածված տեղը ծոցագրպանն է: Ծոցագրպանում դրված բջջայինը վնասում է սրտանոթային համակարգը: Ըստ ուսումնասիրությունների, բջջայինը առաջացնում է առիթմիա, փոխում է արյան շրջանառության ցիկլը: Գիտնականները կտրականապես արգելում են ծոցագրպանում  բջջային հեռախոս պահել:

Հաջորդ տարածված տեղը` տաբատի ետևի կամ առջևի գրպաններն են: Վերջին հետազոտությունները ցույց են տվել, որ այն տղամարդիկ, որոնք տաբատի որևէ գրպանում են պահում իրենց բջջային հեռախոսները դրանով իսկ նպաստում են սերմնահեղուկի որակի անկմանը, ինչը հանգեցնում է անպտղության:

Գիտնականները նշում են, որ բջջայինով երկար ժամանակ զրուցող մարդկանց մոտ առաջանում են գլխացավեր, ուղեղի վնասվածքներ:

Մասնագետները խորհուրդ են տալիս բջջայինները պահել հատուկ պատյանների մեջ և պայուսակներում: Եթե տղամարդիկ չեն ցանկանում պայուսակ կրել, մասնագետները առաջարկում են բջջայինները պահել ձեռքում, իսկ եթե դրսում չեք ապա դնել սեղանին, ձեզանից որքան հնարավոր է հեռու:

Հարցեր, պատասխաններ, մեկնաբանություններ